prima die condidit deus lucem secunda firmamentum celi tertia species maris et terre quarta illuminavit celum sole et luna et stellis quinta omnia volatilia celi et pisces maris de aqua fecit sexta omnia quadrupedia de terra creavit et hominem de consilio sancte trinitatis ad ymaginem et similitudinem suam condidit rationalem eternum immortalem septimo omnia perfecit et requievit quo tempore hec omnia facta sunt indicatur in hystoria genesis cum dicitur germinet terra herbam virentem et indicatur in hystoria ecclesiastica in mense martio die dominico oct calend aprilis die dominico dixit deus fiat lux die dominico resurrexit a mortuis die dominico factus est mundus die dominico natus est in mundum die dominico baptizatus est die dominico saturavit quinque milia hominum de quinque panibus et duobus piscibus alia multa in die dominico fecerat signa modo ineffabili ante omnem diem et omne tempus duas creaturas condidit deus id est angelicam creaturam et informem materiam ut dicitur cum fecissem celum et terram laudaverunt me angeli die dominico jerusalem intrabat ibique usque ad immolationem sui manebat die dominico infernum confregit die dominico debit spiritum sanctum in terris consistens die dominico misit spiritum sanctum celo presidens die dominico virgo maria in celum assumpta est